Vikurnar líða eins og ég veit ekki hvað og það er kominn miður júní... Er ekki alveg að ná því að bráðum verð ég búin að vera að vinna í mánuð Vikan var frekar erfið, en ég bætti við mig morgunmatnum á miðvikudegi til föstudags. Eftir vinnu á föstudaginn dreif ég mig svo á Akureyri Eyddi kvöldinu með mömmu og las bók áður en ég fór að sofa. Ótrúlega skrítið að lesa allt í einu venjulega skáldsögu, en ekki einhverjar námsbækur á ensku.

Laugardagurinn var svo alveg frábær. Svaf til tíu eða svo og hékk á náttfötunum langt fram eftir þar til ég gat ekki annað en drifið mig út í góða veðrið. Hitinn úti var ótrúlegur. Mér leið bara eins og ég væri komin til sólarlanda. Ég, Inga og Andrea eyddum svo bróðurparti dagsins í að sitja út við amor sötrandi bjór og sleikjandi sólskínið. Inga fór svo að hitta Ástralíu gellurnar og Andrea að leggja sig og á meðan fór ég á rúnt með Guðna. Endaði svo í afmælismat hjá Hildi Örnu og eftir matinn fór fólkið að mæta í sameiginlegt afmælis og útskriftarpartý, en Palli var að útskrifast með B.S. í lyfjafræði. Um klukkan 2 lá leiðin í bæinn og þar dönsuðum við tryllt fram á morgun. Reyndar voru eyrun mín ekki alveg að meika hávaðann þarna inni, en ljúft var það að hafa engan reyk og var ég alls ekki vör við meiri prumpulykt og svitalykt eins og fólk hefur talað um

Gat auðvitað lítið sofið og vaknaði þreytt en lítið þunn í morgun og var þá ákveðið að kíkja niður í bæ. Ég og mamma fórum saman og hittum þar mjög marga. Ásta Margrét var hress að vanda og svo hitti ég Helgu Kristínu, Binna og Dag, en það var svo gaman að sjá hvað þau líta vel út Rakst svo á Ósk, Guðmann, Sjöfn, Jón Inga og co. og líta systurnar hreint ótrúlega vel út. Ósk ljómaði alveg og það var frábært að sjá hversu mikið þetta er að gefa henni.

Helgin var því vel lukkuð og er planið núna að hitta Sigga Stein og Helgu Kristínu á fimmtudagskvöldið þegar ég verð á leiðinni austur.

Annars átti ég örugglega eftir að segja ykkur að á Fjöll 2 (þ.e. heima hjá Hjalta) eru komnir fjórir gríslingar og hlakka ég mikið til að sjá þá. Ætla svo að fara og hvetja Snört áfram á föstudagskvöldinu á Kópaskeri enda veitir ekki af góðu hvatningaliði miðað við frammistöðuna síðustu leiki

Nú ætla ég að fara í háttinn svo ég geti vaknað spræk því ég byrja að vinna klukkan 6:45

Mamma útskrifaðist í gær og gekk allt eins og í sögu. Við gáfum henni 50000 króna inneign fyrir hjóli og smá pening í viðbót og var hún alveg hæst ánægð með það Við vorum með veislu um daginn og seinni partinn fórum við út á róló að leika með Baldur  Um kvöldið grilluðum við syskinin og makar og drukkum rauðvín, hvítvín og skutum úr kampavíns og freyðivínsflösku Rosalega skemmtilegur dagur.

Hjalti kom ekki fyrr en allir gestir voru farnir en hann var að keppa með Snerti. Frekar fyndið að þeir voru að keppa við Hamrana og þar voru tveir gamlir KA félagar og MAingar og sögðu þeir báðir við Hjalta að hann væri bara grannur... Hjalti var nú svolítið hissa á þessu þar sem hann er nú bara eins og hann hefur oft verið og komst hann þá að því að það hafa verið kjaftasögur í gangi um að hann væri orðinn 120 kg... hehe fannst þetta frekar fyndið. 

Ætla svo bara að setja nokkrar myndir og skrifa bara meira síðar!

Þegar ég og Sigurgeir vorum lítil dreymdum við um að eignast hvolp. Oft suðuðum við um það en aldrei var það tekið í mál. Einn daginn mætti pabbi með eitt stykki sankti bernhards hvolp og sagði okkur að við ætluðum að passa hann í 1 eða 2 daga. Við ákváðum að stríða mömmu og segja henni að pabbi hefði gefið okkur þennan hvolp. Hvort sem hún vissi það eða ekki að við vorun að plata höfðum við sérstaklega gaman af þessari stríðni, því við vissum að mamma vildi alls ekki hvolp og þá ALLS ekki sanktí bernhards  Hvolpurinn átti að vera inni í þvottahúsi, en um nóttina vældi hann svo mikið að ég stalst til þess að sækja hann og tók hann upp í til mín. Um morguninn vöknuðum við hvolpurinn í pissublautu rúmi, en hann hafði gert þarfir sína meðan ég svaf. Ég var samt alsæl með að hafa sofið með hundinn hjá mér

Í dag segir pabbi mér að hann sé að fara að fá sér hvolp! Loksins... fáum við ósk okkar uppfyllta, þó svolítið seint Verð nú samt að viðurkenna að ég er ansi spennt. Hann segist ætla að hafa hann inni í forstofu og að hann megi ekki koma lengra inn og svo ætlar hann að taka hann með sér í vinnuna á daginn, en þar getur hann verið úti allan daginn. Hlakka ég til að sjá hvort hann standi við þetta, en ég held að hann eigi eftir að dekra þennan hund meira en nokkuð annað

Annars vinn ég bara eins og brjálæðingur og hef ekki orku í neitt þegar ég kem heim. Hjalti er ákveðinn að fara í Kennaraháskólann og erum við búin að sækja um stúdentagarda. Hvað er samt málið með það að vegna þess að ég er í HÍ og hann í KHÍ erum við neðst á forgangslista bæði hjá stúdentagörðum HÍ og Bn Á par að eiga minni rétt á íbúð ef einstaklingarnir eru ekki í sama skóla... þetta finnst mér alveg fáranlegt og þyrfti að sameina þetta í eitt félag það sem allir háskólanemar hafa sama rétt. Leiguverðið er svo hátt í Rvk. að það er ekki fyrir nokkurn mann að standa undir því eins og ég í 6 ára námi.

Helgin á svo að fara í hvíld og tiltekt, en ég er ekki enn búin að ganga frá inni í herberginu minu. Ætlaði að byrja núna en nenni því alls ekki.

Annars erum við að láta renna í pottinn Það er líka þvílíkur hiti úti.

Fór inn í gróðurhúsið hennar mömmu og váá ég fékk áfall.... Mamma fengi flogaveikiskast ef hún sæi það. Arfinn og illgresið kemur á móti manni þegar maður opnar hurðina og það sést varla í mold, enda orðin tvö ár síðan hún var eitthvað að vesenast í því síðast. Mamma ég held þú verðir að fara að kaupa þér hús með garði

Ætla að fara að hjálpa pabba sem er að reyna að koma einhverri reglu á þetta hús...