Já tíminn líður ótrúlega hratt og alltaf nálgast þessi blessuðu inntökupróf. Aðeins sex vikur eftir sem þýðir að ég þarf að læra þrjá áfanga á viku til þess að ná að komast yfir allt efnið! Ekki er læruformið mjög gott svo ég á frekar erfitt með að sitja lengi við í einu.

En annars er allt gott að frétta af mér. Er búin að bralla ýmislegt síðan í páskafríinu. Ég og Hildur áttum voða skemmtilega helgi um síðustu helgi þar sem við afrekuðum að fara í bíó, á kaffihús, á rúntinn, elda saman og horfa á dvd. Búið að vera mikið gaman hjá okkur

Vorið er líka loksins komið. Sá meira að segja fyrstu randarfluguna í gær. Annars er svona mest lítið að frétta, er að fara í meira en 100 % vinnu frá 8. maí og þangar til ég hætti. Hjalti ætlar ekki með mér suður í haust svo það er eins gott að fara að safna sér pening þar sem ég þarf þá bæði að búa ein og kaupa mér bíl. 

Eins og er erum við stödd á Fjöllum, því bróðir hans Hjalta, Jóhannes, á afmæli í dag. Við hjúin fórum í partí í gær og svona og svo er byssan búin að vera í sífelldri notkun síðan við renndum hér á hlað. Fékk meira að segja að skjóta þrisvar á leirdúfu, og var næstum því búin að hitta í öll skiptin  

En þangar til næst.

Já á laugardaginn fórum við upp á Þverárfjall á snjósleða, slöngur og stíkasleða. Reyndar var ekki neitt skyggni og því hafði maður ekki hugmynd um hvort maður var að keyra upp niður eða hvað og var því mjög gott að hafa gps-inn á sleðanum. Þrátt fyrir skyggnið skemmti ég mér konunglega. Síðan bökuðum við pabbi pizzu og svo fór ég að dressa mig upp. Fór svo í afmæli til Grétu með Rönnu og Arndísi og svo var farið á ballið.

Ég held þetta hafi verið skemmtilegasta ball hérna á Blönduósi sem ég hef farið á. Enda hitti ég fullt af skemmtilegu fólki. T.d. Villa bónda og Sævar, en mér hálfbrá að sjá hann Villa því hann er orðinn grennri heldur en hann var í fyrsta bekk í MA. Get ekki sagt að ég hafi dansað af mér skóna, en einhver stelpa ákvað samt að dansa af mér löppina, en ég er með bólgna og marna rist eftir að ein stappaði aðeins ofan á mér í háhæluðum skóm. Spjallaði alveg endalaust og hafði rosa gaman

Síðan í gær var haft það gott og leigið í náttfötunum, horft á videó og reynt að narta aðeins í páskaeggið. Núna er ég að fara að leggja af stað á Akureyri þar sem ég verð ein heima fram á næsta sunnudag. Það verður voðalega skrítið svo endilega kíkið í heimsókn

Dagrún

Ég upplifði það í fyrsta skipti núna í langan tíma að leiðast og váá hvað það er leiðinlegt. Held ég kunni bara ekki að hafa ekkert sérstakt að gera... Reyndar ætti ég að vera að læra, en hæfileiki minn í að sitja yfir bókum virðist vera týndur og tröllum gefinn. Hef bara enga þolinmæði í þetta og er standandi upp í tíma og ótíma til að gera einhverja aðra vitleysu! Eins og að ná mér í meiri saltpillur...

Endaði reyndar á því að fara heim til Rönnu og Arndísar og spila fimbulfamb, sem er svo sem ágætis spil, en væri eflaust mun skemmtilegra ef maður væri aðeins í glasi. Svo er ég bara að spá í að skella mér á ball annað kvöld. Eins og ég var eflaust búin að segja áður... Á eina hvítvín og eina rauðvín svo þetta ætti að geta gengið. Get meira að segja boðið stelpunum upp á eitt glas eða tvö, því eins og þið öll vitið ræð ég alls ekki við svona mikið áfengi Enda má ég ekki vera þunn á páskadag, því mamma gaf mér freyju hríspáskaegg, sem ég verð nú að geta borðað eitthvað af

Annars ætluðum við á snjósleða í dag, en það datt upp fyrir því að pabbi var kallaður út í nótt og var að leita að mönnunum á Langjökli í alla nótt. Ég reyndar vissi ekki að hann hefði verið kallaður út og vaknaði eldsnemma, klæddi mig í gallann og sauð fullt af eggjum til þess að geta búið til nesti. Ákvað svo að hringja í Sigurgeir og spyrja hann hvað hann vildi á brauðið sitt og þá fyrst vissi ég að ég var ekki að fara á sleða. Týmdi samt ekki að fara úr ullaroutfittinu, en neyttist til að klæða mig úr því klukkan fjögur í dag, þegar ég var gjörsamlega að kafna úr hita

Ferming á morgun á Króknum, sem ég get alls ekki ákveðið hvort ég eigi að fara í eða ekki. Ætli ég ákveði það ekki bara í fyrramálið...  

En ætli ég reyni ekki að fara að blanda geði við fjölskyldumeðlimina...

Endilega kvittið...

Já veðrið leikur ekki alveg við okkur norðlendingana eins og er. Frost og kuldi, en það styttist í vorið og barðist ég fyrir því að byrjað yrði að syngja sumarlög um daginn á leikskólanum, bara svona til þess að koma mér í gírinn.

Er komin heim á leið, þar sem lestur, át og snjósleðaferðir bíða mín. Var svona aldeilis heppin að fá að fara fyrr úr vinnunni í dag til þess að komast með mömmu hingað vestur. Við urðum auðvitað að fá okkur í svanginn áður en við héldum af stað, en Bakaríið við brúnna varð fyrir valinu... Held að það sé búið að græða aðeins of mikið af mér þess vikuna Svo var brunað af stað með skottið bókstaflega stútfullt af drasli, en þar var ekki nema ein tölva, tölvuborð og annað nauðsynja drasl eða ekki alveg eins nauðsynlegt.

Kom heim (Blönduós) og skellti mér auðvitað í ríkið. Drykkjumanneskjan varð nú að eiga eitthvað í skápnum ef einhver almennileg skemmtun myndi droppa upp á yfirborðið hér á Dósinni og viti menn,Í svörtum fötum verða að spila hérna á laugardagskvöldið og er ég að reyna að fá Arndísi og Rönnu til að koma með mér... Fór allt í einu í þetta þvílíka djammstuð. Syrgi samt mikið stígvélanna minna en ég skyldi þau eftir heima...

Þið verðið að afsaka að ég kalla allt heim sem stendur...

Verð að segja ykkur eina góða setningu sem ég heyrði frá ungri dömu í dag.

Stelpan: "Pabbi er kokkur líka. Hann vann nefnilega einu sinni í sjoppu og hann kann að elda franskar og allt saman"

Það þarf auðvitað hámarkskunnáttu í eldamennsku til þess að steikja franskar

Augnlok mín eru farin að síga. Best að koma sér í háttinn...

Dagrún

Þessi helgi er búin að vera voðalega skrítin eitthvað. Hef lítið sem ekkert gert af viti. Heldur hafa dagarnir bara flogið áfram. Sigga Ásta og Logi komu samt í heimsókn og var rosalega gaman að hitta þau. Svo horfðum ég, Hjalti og Hildur Arna saman á Gettu betur á fimmtudagskvöldið. Fyndið að ég og Hildur höfðum ekkert sérst síðan hún fór út til Danmerkur og okkur fannst við hafa hisst síðast í síðustu viku eða eitthvað. Mánuðurnir eru svo rosalega fljótir að líða.

Eftir keppnina vorum við svo stolt að við vorum að missa okkur...enda völtuðu MA yfir Versló

Annars fer bara að styttast í páska. Ég fer heim á Blönduós á miðvikudaginn, en ég ætla að eyða páskunum þar í faðmi fjölskyldunnar. Reyndar í bútum, en þau verða þó öll í sama bænum. Árni Þór, Arndís og Baldur Þór eru nefnilega að koma og svo ætlar mamma að vera hjá þeim heima hjá foreldrum Arndísar. Ætli það verði ekki farið á snjósleða, borðað góðan mat og spilað eins og á að gera á páskunum og er ég bara farin að hlakka mikið til að komast aftur í smá frí. Reyndar verð ég að reyna að læra eitthvað aðeins, en það verður að koma í ljós hversu dugleg ég verð í þeim efnum.

Annars ætti ég kannski að fara að koma mér heim á leið. Er búin að hanga hjá mömmu í marga tíma.

-dagrún-

Við hjúin erum stödd á Blönduósi eins og er. Ákváðum að skella okkur vestur til að fara í afmæli hjá pabba gamla.. en hann varð 44 ára í gær. Erum búin að hafa það rosalega gott. Hitta ættingja mína, borða mikið af góðum mat og svo erum við LOKSINS búin að þrífa bílinn og bónann. Þetta er bara allt annar bíll eftir þetta, enda var hann vægast sagt orðinn viðbjóðslegur.

Fór líka aðeins yfir skápinn minn o.f.l. til að finna skóladót, sem ég þarf að lesa fyrir inntökuprófið. Fann ég ekki þessa fínu vinabók frá því í sjöunda bekk. Vá ég grenjaði úr hlátri. Þar var rosalega flott ljóð eftir hana Rannveigu sem hljómaði svona: 

Dagrún er rosa sterk lemur stráka alla

sem hlaupa burt með magaverk

og stóra kúlu á skalla.

Reyndar var það gjörsamlega óskiljanlegt eftir því sem hún skipti þessu upp í línur, en útkoman var þessi hjá mér eftir að hafa lesið það nokkrum sinnum yfir.

Svo fann ég skóladagbækurnar mínar úr fyrsta og öðrum bekk í MA. Þar má finna allt sem við brölluðum yfir árið og mjög góðar og fyndnar samræður um strákamálin, djammið og fleira milli mín, Andreu og Ástu. Þar komu nöfn eins og Hrói til sögunnar og fleiri Skilji þeir sem skilja geta!

Nú er ég alltaf að pæla í hvað ég eigi að gera ef ég fer suður eða ef ég verð á Akureyri. Á maður að kaupa sér íbúð eða leigja áfram, sem ég er komin með nóg af. Þykir leiðinlegt að henda peningunum mínum bara í eitthvað fólk og eignast aldrei neitt í staðinn. Hvernig bíl á ég að kaupa mér ef ég enda á því að fara ein suður og fleira og fleira. Eins og þið vitið verð ég að hafa allt skipulagt fimm mánuðum fram í tímann svo sál mín er ekki alveg að höndla þessa óvissu, en þrauka þó...

Nú þarf líka að fara að hysja upp um sig buxurnar og fara að hittast. Er komin með nóg af því að sjá ykkur vinkonurnar/vinina bara á nokkra vikna fresti!

En þangar til næst...

Dagrún