Jámm... ég vakti mikla lukku áðan þegar ég tók eitt af mínum hlátursköstum með veininu og öllu. Var svo að reyna að útskýra hvað væri svona fyndið, en enginn skildi neitt frekar en fyrri daginn. En ástæðan fyrir þessu rosalega hláturskasti er Rannveig... Það sem við getum fíflast hérna saman. Í dag uppötvuðum við mjög skemmtilegan leik. Hún hélt á moppunni og sópaði undir lappirnar á mér og ég átti að passa að lenda ekki á honum.. Þetta var svolítið líkt og snúsnú..

En í dag kom ég mér loksins til læknis og honum fannst ólíklegt að ég væri brotin, en ég hefði greinilega fengið rosalegt högg... Hann sagði að ekkert væri hægt að gera hvort sem þetta væri brot eða ekki og á því bara að hvíla og éta einhverjar töflur sem eiga víst að flýta bata... Hann þrýsti svo mikið á þetta að núna er ég gjörsamlega að deyja úr verkjum.

Þessi dagur er búinn að vera mjög skrautlegur sökum þreytu bæði hjá mér og Rönnu. Erum búnar að vera með hálfgerða svefngalsa og starfsfélagar okkar eru held ég hættir að lítast á blikuna.

Við erum á leiðinni á fótboltamót hérna í vinnunni, en ég má ekki spila fótbolta þessa vikuna svo ég ætla bara að fá mér frí í staðinn og fara á fimmtudaginn til Hjalta. Svo Andrea og Ásta ég kíki á ykkur þá en ekki á föstudaginn Er búin að panta mér klippingu og ég get ekki beðið eftir að láta laga e-ð á mér hárið. Það er nefnilega orðið mjög asnalegt

En ég ætla að fara aðeins að hlaupa og svo að sofa...

Stundum veit ég ekki hvenær er staður og stund til þess að grínast. Þannig er nú það að um helgina er ég með 3 menn auka í mat sem eru að veiða hérna nálægt. Einn þeirra er prestur sem kominn er á eftirlaunaaldur og þessi tiltekni maður var prestur á Blönduósi í 30 ár. Hann spyr nú eitthvað hver ég er og einn maðurinn hér segir að ég sé dóttir Jónasar og að hann hafi líklega skírt mig. Ég játaði því, en þá spurði annar maður hvort hann hefði þá ekki líka fermt mig... Í fljótræði mínu sagði ég " Nei ég rétt slapp"...! Ég hélt ég myndi sökkva ofan í jörðina og aldrei koma upp aftur. En viti menn í þetta skiptið slapp ég. Þeim fannst þetta nefnilega svo sjúklega fyndið

Svo eru þeir bara búnir að vera voðalega almennilegir og einn þeirra játaði það í kvöldmatnum að þeir væru svolítið skotnir í mér... HUmmhumm þeir eru allir á milli 60-80 ára! En ég held nú að þeir hafi verið að meina vegna þess hversu góðan mat ég gerði... Þeir hrósuðu mér nefnilega í gríð og erg fyrir silunginn sem ég eldaði í kvöld ásamt fleirum og ég er svo montin

Dugnaður: Ég var svo ótrúlega dugleg áðan og fór út að hlaupa. Dróg Ingó með mér og við hlupum upp að inntakslóni og aftur til baka. Erum svo búin að fara í pottinn og ég held að næst á dagskrá sé að horfa á Daredevil... eða tala við Hjalta. Lýst eiginlega miklu betur á að tala bara við Hjalta

En svo er bara morgundagurinn eftir og þá er helgin búin... Sem er frábært því þá styttist enn meira í næstu helgi

Þannig var nú það að við, þ.e.a.s. okkar stór góða lið Hvöt/tindastóll, vorum að keppa á Akranesi. Leikurinn var hörmung og ég áttaði mig endanlega á þvi að við eigum enga von...! ÍA spilaði rosalega góðan bolta og unnu okkur á góðri spilamennsku en ekki ofbeldi eins og hummhumm önnur lið... Samt lenti ég í því leiðinlega tilvika að fá olnbogaskot á milli brjóstanna í fyrri hálfleik, en le´t mig þó hafa það og þraukaði allan leikinn. Er samt enn þá að drepast og fæ þennan svakalega verk þegar ég hlæ og þarf að hreyfa mig eitthvað sem þrýstir á bringuna. Hef ekki komist til læknis, en er búin að fá álit hjá hjúkrunarfræðingi og hún telur eitthvað hafa komið fyrir brjóskið á milli rifbeinana... Svo er ég nú eitthvað að merjast og er kominn með þennan fína græna blæ yfir brjóstið.... Ótrúlegt hvað ég er óheppin.

LIðið var allt í rústi eftir þennan leik, en ég get komið með langan pistil um það sem er að mér núna. Tel ég það vera lélegt form, sem þolir ekki svona mikið álag... Þ.e.a.s æfingar nærri því á hverjum degi og síðan leikir tvisvar í viku eða eitthvað. En loksins erum við komin í langþráð frí til 5. ágúst.

Annars gengur lífið bara sinn vana gang. En ég get ekki neitað því að ég er orðin allt of spennt fyrir verslunarmannahelginni 

En það er búið að vera svo míkið að vinna hérna upp frá... eins einangrað og það nú er og svo er búið að vera svo mikið að gera í fótboltanum að ég er að fara yfir um...!

• Ég komst að því að ég syng með öllum lögunum í útvarpinu, jafnvel þó ég kunni þau ekki og ef það er einhver tónlist undir auglýsingunum syng ég líka með þeim... Hversu alvarlegt er það?
• Í gær var ég með svo mikinn svefngalsa vegna þess að ég hafði ekki komið hingað aftur frá Akranesi fyrr en 2 um nóttina.... og ég var alltaf að hlægja, sem var svona ósttjórnlega vont og því fylgdi svona sársauka vein með hlátrinum.... Rönnu fannst ég mjög fyndin og líkti "hlátri" mínum við risaeðluöskur... eða réttara sagt flugeðluöskur. Vitiði hvernig það er?
• Ég er í skýjunum þegar ég veit að ég þarf ekki að skræla kartöflur fyrir næstu máltíð....

En ég þarf víst að fara að huga að matnum...

Ólöf, konan sem er yfir okkur þessa dagana, er búin að vera veik í tvo daga núna og það þýðir bara að ég og Ranna ráðum öllu hehe En þetta hefur nú gengið bara svona rosalega vel hjá okkur...fyrir utan það að áðan vorum við ekki vissar um að vera með nógan mat og vorum að deyja úr stressi, en þetta bjargaðist allt saman Eins og alltaf! Vorum líka svo duglegar að þrífa í gær og svona að núna erum við í klukkutímapásu... Enda fékk ég ekkert hádegishlé, svo við eigum það skilið. Í gær var ég að tala við Hjalta (eins og á hverjum degi ) og við ákváðum svona nokkurn veginn hvernig planið verður um versló. Ég ætla sem sagt að keyra norður á föstudagsmorguninn, koma við á Akureyri og fara í klippingu og til augnlæknis.... halda siðan áfram og koma við hjá Ástu og Andreu (ef þær verða við) keyra síðan áfram til Hjalta og við ætlum síðan að fara eitthvað og tjalda... skoða Dettifoss og Hljóðakletta o.fl. Svo verðum við kannski ein heima svo þessi helgi nær kannski bara að toppa síðustu helgi Svo má ekki gleyma því að ég má drekka aðeins um versló og það hef ég ekki gert í óralangan tíma... Maður verður því að fá sér nokkra bjóra Annars erum bið Blönduvirkjunarkrakkarnir að fara að keppa á fótboltamóti í Mosfellsbæ á fimmtudaginn fyrir versló. Erum búin að fá ýmsar hugmyndir um það hvernig við getum verið sem asnalegust og ein var sú að klæðast vinnuskyrtum föstustarfsmannana og ég held að það myndi vekja mikla lukku. En ætla að fara að gera eitthvað fleira.... 24.... 24.... over&out

Blessuð og sæl...

Loksins fékk ég frí helgi og hún var hreint út sagt yndisleg.... þrátt fyrir að okkur hafi gengið hræðilega að spila á laugardaginn. Vorum að keppa við ÍR og töpuðum bara eins og venjulega, en ég persónulega átti bara ágætan leik.

En eins og þið eflaust vitið kom Hjalti til mín og það var alveg frábært að sjá hann...Hafði ekki séð hann í mánuð. Erum bara búin að eiga frábæra helgi... Gátum hvílt okkur ágætleg, en við skelltum okkur samt á ball í gærkvöldi. Ballið var ágætt þrátt fyrir að ég hafi verið bláedrú, en ástæðan fyrir því er sú´að við eigum annan leik við ÍA á miðvikudaginn. Það voru rosalega margir á ballinu og flestir VEL ölvaðir eins og einkennir þessi "sveitaböll". Skítamórals strákarnir voru bara nokkuð góðir og ég reyndi að dansa eftir bestu geta þó að öklinn væri eitthvað að kvarta og flestir aðrir líkamspartar. Er nefnilega frekar skrambúleruð (bara fyrir þig Hjalti ) eftir leikinn...

Annars er það bara Blönduvirkjun aftur í fyrramálið.. En í þetta skiptið verð ég bara í 2 vikur streight... hjúkk! Og þá er kominn Verslunarmannahelgi... *Jibbý*

En skrifa aftur bráðlega...

See YA

 

Eins og þið sjáið er fátt annað sem kemst að hjá mér þessa stundina nema það að Hjalti er að koma til mín á fimmtudagskvöldið Þetta hefur hjálpað mér heilmikið við þrauka hérna upp á heiðinni... Ég hef samt komist að einu... ég er bara þónokkuð góð að elda. Í hádeginu eldaði ég þessa dýrindis bayonnesskinku Svo er ég alltaf að elda eitthvað gott... Dagurinn í dag er búinn að vera aðeins rólegri en í gær og fékk ég mér góða pásu áðan og horfði á friends.... Það er semsagt eitt af því sem geri hérna auk þess að gera krossgátur og fara í pottinn og sauna... Já ég veit ég er skrítin. Ég komst líka að því í gær að ég geri aldrei neitt. Var að tala við Hjalta sem var byrjaður að drekka og á leiðinni í partý, en ég lá upp í rúmi að gera krossgátur... Já á laugardagskvöld! Er líka að vinna með Sunnevu og Ása um helgina og Sunneva var með kærastann sinn hjá sér og Ási eitthvað annað að bralla. En ég lofa ykkur því að það er stundum aðeins líflegra hérna. Svo helgin er búin að vera frekar slöpp... En ég bæti þetta upp á Krít.. Þá getur maður sko skemmt sér En ég verð að fara að elda kvöldmatinn....og fara á æfingu.... Ble ble

Úff ég er búin að vera svo dugleg.. ég er búin að vinna stanslaust frá rúmlega 7 í morgun... En ákvað að setjast aðeins niður núna á meðan gólfið í eldhúsinu er að þorna... Ég var nefnilega að skúra. Það er örugglega 30 stiga hiti hérna inni... Alla vega er ég orðin frekar sveitt og ógeðsleg Annars er allt gott að frétta af mér. Fór heim í gær til þess að fara á æfingu eins og flest önnur kvöld og æfingin var bara mjög skemmtileg. Fékk borgað prins polo og kók, því við veðjuðum á æfingunni á fimmtudaginn.

Ómerkilegar upplýsingar:

• Í fyrradag keyrði ég bílinn upp í 100.000 kílómetra. Langaði helst að stoppa því þetta var svo flott tala
• Hérna upp í Blöndu er allt morandi af flugum, því það var verið að eitra hérna á þriðjudaginn. þær drepast í tonna tali og ég þarf að ryksuga gluggakisturnar þrisvar á dag.. (ekki ýkjur)! Fyndnast er þegar þær eru að deyja út af þessu eitri, þá er eins og þær séu í flogakasti.... ég veit ég er skrítin
• Ég er búin að vera geðveikt dugleg að sleppa því að fá mér einhverja kökur og kræsindi í kaffinu.. Í staðinn fæ ég mér banana.
• Ég er að fara að keppa aftur á mánudaginn.
• Ég er á leiðinni í 1 árs afmæli á morgun hjá dóttur vinkonu minnar...
• Ég verð að fara að hringja í Ástu og fleiri...
• Best að fara aftur að vinna...

Góðan daginn... Þannig er nú það að ég er komin aftur upp í Blöndu eftir að hafa fengið eins og hálf dags frí.... Fór suður á þriðjudaginn, en við vorum að keppa við Fylki.. Komst að því að þær kunna ekki reglur í fótbolta og ekki heldur dómarinn, því þær börðu okkur þarna,ýttu frá sér með höndunum og tosuðu mann niður á treyjunum og aldrei dæmdi dómarinn. Í eitt skiptið þegar þær áttu horn og ég var að dekka eina stelpuna þarna varð hún eitthvað pirruð á mér þannig að hún gaf mér hörku olnbogaskot í magann þannig að ég hentist alveg niður í jörðina. D'omarinn dæmdi auðvitað ekki neitt eins og fyrri daginn! LEikurinn fór 5-1, en við hefðum nú átt að geta betur. Eitt er þó víst að við erum alltaf að bæta okkur. Í gær svaf ég síðan bara og slappaði af. Var reyndar að passa um kvöldið litlu frænku mína og það er svo yndislegt hvað kemur upp ú r þessum krakka. H'un er sem sagt mjög upptekin af kærustum og þannig málum. Sagði mér frá því að hún ættti kærasta og spurði svo ýmislegt um mig og Hjalta. Henni finnst líka mjög gaman af því að segja svona hluti eins og " Dagrún, manstu þegar Hjalti kyssti þig í heita pottinum.." svo kemur alltaf " afhverju voru þið að kyssast"... 'Otrúlegt hvað krakkar eru spenntir fyirr svona hlutum. En góðar fréttir... Hjalti er líklega að koma til mín næsta fimmtudag og ég get ekki beðið Þá verður kominn mánuður síðan ég sá hann síðast...! Back to work...!

Nóg að gera hjá mér eins og alltaf, en því miður er eitthvað að netinu hjá pabba upp í Blöndu svo ég hef ekkert getað bloggað. Um helgina vorum ég og Ranna báðar að vinna og auk þess Setta, en við vorum með um 50 manns í mat. Það var brjálað að gera og vann ég í fjórtán tíma á föstudeginum og fimmtán á laugardeginum (kl: 7-21 og 7-22). Var farin að verkja frekar mikið undir ilinni En ég er bara farin að bíða eftir laununum Eins pabbi sagði.... ÞVí meira sem maður nennir að hanga hérna því glaðari verður maður þegar maður fær launin!

En ég og Ranna erum búnar að hafa mjög gaman hjá okkur og reynum að gera gott úr dögunum.... og ekki í vandræðum með það því ljósuhárin eru farin að segja til sín... Ákvað að skrifa nokkur niður:

1) Ég og Ranna vorum að baka hlið við hlið þegar hún segir.... Ohhh ég missi alltaf skelina ofan í ... Ég gat ekki varist hlátri. En hún átti þá við eggjaskurnin sem að einhverjum ástæðum hún kallar skel Hún gæti búið til sér orðabók þessi stelpa

2) Í gær hringdi síminn og ég hljóp til að svara og svaraði auðvitað mjög kurteisislega : Blönduvirkjun Dagrún... En ég tók upp vitlaust símtól Ranna grét úr hlátri

3) Á fimmtudaginn vorum við að ganga taka vörur inni í bílskúr sem voru að koma. Þegar við vorum loksins búnar að koma þessu á kerru, ætlaði Ranna að opna lyftuna. Hún tosaði eitthvað í hurðina og sagði síðan við mig með þessum tón þegar hún getur ekki gert hlutina: " Dagrún, hurðin er læst". Ég sprakk auðvitað úr hlátri og sagði henni að kalla á lyftuna því hún væri ekki á þessari hæð... hehehe

4) Einn morguninn var Setta búin að vera að tala um að hún væri að fara að halda gæsapartý fyrir mágkonu sína.. Seinna sama dag segir hún að tiltekna helgi sé hún að fara í brúðkaup óg ég spyr " Já ertu ekki að fara í giftingu hjá mágkonu þinni?" og hún svaraði "Jú og líka hjá bróður mínum"... Góð Dagrún!!

5) Á laugardaginn vorum við búnar að vinna eins og brjálæðingar því það átti að vera veisla um kvöldið. Fyrir matinn fórum við í sturtu og í betri föt. Ranna fór upp til pabba síns í sturtu og þegar hún var búin að koma sér í einhver föt og mála sig aðeins, þannig að hún var sátt við útlitið, lagði hún af stað til baka. Hún lokaði hurðinni á herberginu, sem by the way læstist, en var ekki fyrr kominn út þegar hún gerði sér grein fyrir því að hún stóð bara á brjóstarhaldaranum... H'un gleymdi sem sagt að klæða sig í bol  

Annars er ég að fara að keppa á eftir í Reykjavík og ég er svo í fríi á morgun. Ákvað að taka mér einn dag alveg í frí því ég er að fara að vinna þriðjuhelgina mína í röð og er orðin MJÖG þreytt.

En ein saga í viðbót. Á fimmtudaginn þegar ég var að keyra á fótboltaæfingu og sá loksins fram á það að geta mætt á réttum tíma á æfingu heima, þá hljóp lamb upp á veiginn og ég keyrði yfir það. Stuðarinn á bílnum brotnaði og númeraplatan beyglaðist öll og auk þess beyglaðist einhver grind við vatnskassann. Lambið var sem betur fer steindautt þegar við tókum það út af veginum, en ég mætti of seint á æfingu. Fólkið var voða fegið þegar við létum það vita af lambinu, en eiga þessi lömb ekki að vera inn í girðingum eða hvað... Þetta er stórhættulegt þegar þetta kemur hlaupandi inn á miðjan veg!1

En verð að hætta....