Ég var búin að skrifa ritgerð hérna, en ég missti hana út þegar netið slökkti á sér Ég verð bara að reyna að skrifa þetta aftur. Þannig var nú það að í morgun var ég í Efnafræðiprófi, sem mér gekk alveg sæmilega í. Hefði vilja gera betur, en nú er bara að bíða eftir útkomunni. Var nefnilega búin að læra ágætlega fyrir þetta prófa , en það var eitt dæmi þarna sem hringsnérist bara í hausnum á mér og ég féll á tíma. Náði ekki að klára það Hef samt engar áhyggjur þannig lagað. Er frekar þreytt núna, enda fór ég að sofa um hálf tvö og vaknaði við vekjaraklukkuna klukkan 06:45! Hélt reyndar að klukkan væri bara tvö og Andrea hélt alvarlega að ég væri að verða eitthvað rugluð þegar ég sagði: "Það er sem sagt kominn morgun" Þegar klukkan hennar hringdi líka. Á það til að vera frekar rugluð þegar ég vakna. Sérstaklega ef ég hef ekki sofið mjög lengi. Gott að það sé komin helgi, þó að það verði nóg að gera. Þarf að læra fyrir eðlisfræðipróf og ef til vill kíki ég eitthvað á þýskuna þar sem ég ætla bara að hjalpa Hjalta á þriðjudeginum fyrir það próf. Gaman að segja frá því að á morgun erum við Hjalti búin að vera saman í hálft ár og erum að spa í að fara út að borða í tilefni af því Annars er hann að fara að keppa á morgun og auðvitað verð ég þar að hvertja þá áfram. Alltaf stuð hjá okkur Siggu Ástu á bekknum En nú fer að styttast í okkar leiki þ.e.a.s. Hvöt/tindastóll. Þannig er nú það að við erum búin að sameinast Tindastól. Sem er frábært, því þá eigum við meiri vonir um að geta eitthvað. Líka kominn tími til að maður þurfi að fara að hafa eitthvað fyrir því að komast í liðið og held ég að flest allir hafi mjög gott af því að þurfa að sýna að þú sért í góðu formi og að þú getir eitthvað til að komast í liðið. Fyrsti leikurinn okkar er gegn Fylki sunnudaginn 6.júní á Blönduósi. Svo endilega komið og hvetjið okkur ef þið getið. Ágætt að hafa áhorfendur sem hvetja mann áfram svona í fyrsta leiknum. Alltaf svolítið erfitt að spila fyrstu leikina En þetta reddast! Hef þetta ekki lengra í bili!

Prófin fara að nálgast og allir byrjaðir að læra. Ég fer reyndar ekki í fyrsta prófið mitt fyrr en á næsta föstudag en er þó byrjuð að lesa Veitir líka ekki af miðað við hversu mikið efni er fyrir próf. Svo dagurinn í dag er ekki búinn að vera mjög spennandi. Fór í ræktina í morgun, í Bónus með Hjalta, út að borða á Pengs, en ég, Hjalti, Baddi og Inga fórum á Date! Strákarnir vildu nú helst ekki kannnast við okkur þar sem við vorum ekki nógu töff fyrir þá. Ég meina maður verður nú að haga sér skikkanlega þegar maður er kringum þessa stáka. Mega ekki missa coolið! við fengum okkur öll djúpsteiktar rækjur nema Inga sem fékk sér núðlusúpu. Ef ég á að vera alveg hreinskilin þá hefði ég nú frekar kosið Greifann eða bara hamborgara á Akinn, en maður verður að prófa eitthváð nýtt. Þrátt fyrir að vera MJÖG södd eftir matinn fórum við nú samt í Brynju og fengum okkur ís... Brynja klikkar aldrei Ætli ég verði ekki að halda áfram að læra...Þarf að þrauka í 45 mínútur í viðbót

Úff...það eru nokkrir mánuðir síðan ég hef verið svona þunn! En þannig var nú það að ég, mamma, pabbi og Sigurgeir fórum á hótelið í gær. Við borðuðum þar rosalega góðan mat og horfðum á Eurovision með fullt af fólki sem við þekkjum. Pabbi var duglegur að koma með eitthvað handa mér að drekka og ég sem hafði ekkert planað það að fara að djamma. En ég drakk bara ágætlega og kom mér á óvart hvað ég varð eitthvað lítið full miðað við magnið sem ég drakk Loksins get ég drukkið e-ð En já... Ég og Arndís vorum bara spjalla á hótelinu og svona. Stemningin var samt eitthvað frekar slöpp svo við ákvöðum að fara á Bakkann. Þar voru miklu fleiri og mikið stuð. Enda haldapokarnir að spila hehe.. Ég missti mig alveg í dansinum þar sem ég og Valgeir vorum í einhvers konar keppni um það hver gæti dansað meira Afgangurinn af kvöldin leið frekar hratt og ég hitti marga sem ég hef ekki séð mjög lengi og var gaman að spjalla við. Reyndar var svo ótrúlega mikil rigning úti að þegar við ætluðum að fara að labba heim var ég farin að skjálfa af kulda. Var líka ótrúlega blaut... eins og ég hefði verið að labba úr sturtunni. Reddaði mér sem betur fer fari og var ekki lengi að koma mér upp í rúm þar sem ég skalf í einhvern hálftíma. Svo vaknaði ég bara í morgun klukkan átta... Þoli ekki hvað ég get sofið lítið eftir að ég drekk. Svo er bara að koma sér aftur til Akureyrar. Kemst vonandi sem fyrst Veit samt ekki hvort ég lifi ferðina af, en það verður bara að koma í ljós

Úfff... Reykjavík er erfið borg. Ég er búin að vera að keyra meira en minna í allan dag. Ótrúlegt hvað þetta gatnakerfi þarna ruglar mig stundum. Alltaf verið að breyta einhverju. Til dæmis í dag vissi ég alltaf hvert ég átti að fara, en svo lenti ég oft einhvers staðar allt annars staðar, en það bjargaðist alltaf. Tók þá bara smá hring

En já mér tókst að eyða svolitlum pening eins og venjulega þegar maður fer til Reykjavíkur. Keypti mér hjálm, nýjan hnakk á hjólið, tvenna skó og tvo boli. Á svo sem alveg fyrir því svo þetta var minnsta mál

Ég og Sigurgeir lögðum af stað um klukkan hálf tíu og komum aftur klukkan tíu. Svo þetta er búinn að vera MJÖG langur dagur. Við vorum bæði orðin svo þreytt  á leiðinni heim að við tókum nett flipp á græjunum og svona. Voða gaman Býst við að þið hefðuð ekki viljað þekkja okkur hefðuð þið verið þarna En þið hljótið að taka ykkar flipp út eins og aðrir... Efast samt um að þið getið toppað okkur

Tannlæknirinn minn vill ekki enn leyfa mér að losna við þennan góm og ég er að verða alveg brjáluð....! Má reyndar sleppa honum í byrjun í einn tíma á dag.. ohhh þetta verður örugglega aldrei búið. Ég er að tala um það að það eru fimm ár síðan ég fékk teina og ég er búin að vera með þennan helvítis góm í þrjú og hálft ár. Hvenær tekur þetta enda....

Verð að koma með smá nöldur hérna.... Finnst ykkur ekki geðveiki að diesel buxur kosta upp í 24000 krónur. Hvar á þetta að enda. Þetta fer alltaf hækkandi. Þú færð ekki nýju buxurnar undir 12000 eða 13000. Þetta er brjálæði! Vinnan við að búa þessar flíkur til kostar örugglega ekki nema 1/8 af því sem þær eru seldar á. Ég man eftir því þegar ég keypti mér diesel buxur í 8. bekk eða eitthvað. Þá voru þær á 7000 og mér fannst það frekar klikkað mikið... Það myndi ekki teljast neinn peningur fyrir gallabuxur í dag. Svo er það einhvern veginn eins og þetta séu einu gallabuxurnar! Endilega segið ykkar skoðun.

En ég er víst að fara í Eurovisionpartý á morgun, eða fer út að borða á hótelinu og þar verður keppnin síðan sýnd á widescreen... Þetta verður örugglega gaman, fæ líka gott að borða Aldrei hægt að kvarta yfir því. Fæ lax í forrét og síðan fylltan lambahrygg og eitthvað. Bað pabba reyndar um að sleppa eftirréttinum þar sem ég er svo lítið fyrir svona kökur og svona, eins og þið eflaust vitið. 

Skrifa síðar....

  

 

Ég er bara komin heim og hef það bara gott fyrir framan tölvuna. Ég er nefnilega á leiðinni suður á morgun til tannlæknis og ákvað því að koma hingað eftir skóla og keyra síðan í fyrramálið. Ágætt að fá frí einn dag í skólanum þrátt fyrir að ég hafi nú ekki valið mér skásta daginn, þar sem litlu ólympíuleikarnir eru á morgun.

En fyrir hugað er að halda af stað til höfuðstaðs Íslands um klukkan níu í fyrramálið. En ég ætla nú bara að koma aftur heim um kvöldið. Ætla eitthvað að kíkja í búðir, heimsækja Unnar frænda minn og selja afa klósettpappír. En ég ætla mér að selja 20 klósettpakkningar og 10 eldhúsrúllupakkningar til að safna mér pening fyrir útskriftarferðina  Sigurgeir ætlar að koma með mér á morgun, en það er alltaf nauðsynlegt að hafa einn á símaskránni þegar maður fer í borgina.... Eða alla vega núna því ég þarf ýmislegt að brasa. Er að fara að kaupa mér hjálm og nýjan hnakk á hjólið mitt svo ég geti farið að hjóla einhverjar almennilegar vegalengdir... Veit þetta hljómar illa, en svona er ég sérstök...!

En í dag er 15. maí og strákarnir búnir að raka á sér höfuðið eins og síðustu tvö ár. Þannig var nú það að 13. maí í fyrsta bekk tóku nokkrir drengir sig til og snoðuðu sig og síðan hefur það verið hefð og í fyrra bættust margir í hópinn Þeir sem hafa aldrei brugist eru Hjalti, Keli, jón Ingi og Villi bóndi, en Sævar ætlar að beila á þessu í þetta skiptið...

Ari hélt að Villi myndi nú ekki snoða sig núna eftir að hafa litað á sér hárið og svona og sagðist myndi kyssa rassinn á Villa ef hann gerði það. Og eins og þið vitið rakaði villi á sér höfuðið og ég varð vitni af kossnum í gegnum síma... eða það er að segja öskrunum í hinum strákunum. Það er þó eitt sem hægt er að segja um Ara: Hann stendur þó við orð sín hehe

Það var víst einhver félagsfræðiárshátið áðan og hún toppaði nú alls ekki hina frægu Hamrahátið, enda ekki skrítið 

En á meðan ég sit heima og skrifa blogg eru fyllibitturnar á Dátanum eins og vanalega á fimmtudagskvöldum!

See Ya later

 

Góðan daginn! Váá það er svo gott veður í dag og það er ótrúlegt hvað maður kemst í gott skap bara út af því. En svo að ég segi ykkur frá helginni. Föstudagurinn fór nær allur í snúninga því ýmislegt þurfti að gera áður en hægt var að halda af stað á svo kölluðu "Hamrahátíðina". Fara í ríkið, lita hárið á Villa ljóst og koma sér í sturtu og mála sig...hehe Strákarnir mönuðu nefnilega hann Vilhjálm til að lita á sér hárið, en hann er hvort sem er að fara að raka sig á fimmtudaginn, en þá raka allir strákarnir á sér höfuðið lýkt og síðustu ár Eitt sem er ótrúlega furðulegt. Ég af öllum fór síðust (fyrir utan Villa) í sturtu fyrir þessa blessuðu hátíð. Ekki vanalegt, þar sem við stelpurnar byrjum yfirleitt lang fyrstar að taka okkur til þegar eitthvað svona er í gangi. En klukkan sjö var lagt af stað í fimm rútum til Grenivíkur. Ferðin var mjög eftirminnileg Þið vitið hvað ég meina! Og þegar komið var á Grenivík var horft á skemmtiatriði, drukkið, borðað pizzur, dansað og drukkið meira. Sumur voru ölvaðari en aðrir eins og vant er. En ég var bara hress og skemmti mér konunglega. Sérstaklega þegar ég og Ranna tókum danstörnina okkar. Við vorum alveg að missa okkur í sporunum. Eins og ég sagði áðan voru sumir fyllri en aðrir. Ákveðnum aðila tókst meira að segja að æla á mig Kannksi ekki það skemmtilegasta, en ég hló bara að því... kannski frekar furðulegt. Ég held áfram seinna þarf að fara í tíma!!

Úfff það er svo kalt úti. Ég sem hélt að það væri að koma vor, en svo er bara farið að snjóa aftur. Það er frekar langt síðan ég skrifaði síðast en það er bara vegna þess að það er búið að vera svo mikið að gera.. hihi Alltaf sama afsökunin Í gærkvöldi skelltum við okkur í Brynju og á rúntinn, þ.e.a.s. ég, Jói, Ásta, Inga og Andrea. Ótrúlegt ég held ég hafi farið inn í svona 20 götur sem ég hef aldrei komið inn í áður. Þræddum nefnilega nær allar götur bæjarins Held samt að Jóa hafi verið hættur að lítast á blikuna þegar við byrjuðum allar að syngja með Shaniu Twain... svona er að vera umlukinn í kvennfólki Hvað segiði annars á ekki að skella sér á djammið um helgina? Ég er alla vega að fara og þið sem hafið einhverjar áhyggjur... ÉG LOFA að vera ekki eins full og síðast.. hehe! Annars er ég að fara að baka á eftir, svaka stuð. Við erum nefnilega með kökubasar á laugardaginn og ég og Ásta ákváðum að baka bara muffins. Alltaf vinsælar og svo auðvelt að búa þær til! En ætli ég segi þetta ekki gott í bili. Ætlað að drífa mig í sturtu og skella mér síðan í baksturinn